Салах неизвесен за Светското првенство во Русија

од desk2

Учеството на египетскиот репрезентативец Мохамед Салах на претстојното Светско првенство во Русија е под знак прашалник, поради повредата на рамото што ја здоби синоќа во финалниот натпревар од Лигата на шампионите на неговиот Ливерпул против Реал Мадрид.

Серхио Рамос и Мохамед Салах во дуелот по кој Еѓипќанецот се повреди

Тренерот на Ливерпул, Јирген Клоп, најави таков епилог уште веднаш по натпреварот.

Салах, кој постигна 44 гола за Ливерпул оваа сезона, со солзи во очите го напушти синоќа теренот во Киев, по тежкиот пад во дуелот со Серхио Рамос од Реал Мадрид.

Египќанецот се обиде да ја продолжи играта по укажаната помош, но сепак беше принуден да ја напушти играта.

Египетската фудбалска федерација на Twitter објави дека се работи за повреда на лигаментите во рамото и дека се оптимисти кога станува збор за неговото учество на Светското првенство.

Египетскиот министер за спорт и млади Калед Абдел-Азиз, на својот Facebook профил напиша: „Очекувањата се дека на Салах му требаат две недели за лекување. Тој ќе остане во Ливерпул, каде што ќе се опоравува, а потоа ќе се приклучи на египетскиот тим во кампот во Италија“.

Тој додаде дека Салах ќе биде во тимот, кој ќе биде објавен на 4 јуни.

Сепак, тренерот на Салах беше помалку оптимист по мечот со Реал.

„Тоа е сериозна повреда, навистина сериозна повреди. Тој е во болница, на снимање. Во прашање е или клучната коска или рамото“, изјави Клоп.

Слични содржини