Три овчарски кучиња нападнале и убиле жена во Грција.
Жената (50) била нападната во неделата околу пладне во село на околу 16 километри од Солун.
Полицијата соопшти дека кучињата избегале низ дупка во оградата на сопственикот на околу 80 метри подалеку и втрчале во дворот на жената каде што работела.
Во тоа време притрчал да ѝ помагне маж за кој полицијата наведе дека е глувонем, но тој бил премногу далеку.
Болничарите пристигнале со возило на брза помош за да ја згрижат жената која била тешко повредена и обилно крварела, но на местото на настанот била констатирана смрт.
37-годишниот сопственик на кучињата е уапсен и ќе се соочи со обвинителството во понеделник наутро, а кучињата се во одгледувачница и ќе бидат евтаназирани.
Според грчкиот медиум ЕРТ, нејзините 17 и 18-годишни синови го слушнале нејзиниот плач, но веќе било доцна.
Нејзиниот поранешен сопруг рекол дека кучињата биле „големи и диви“.
„Многу пати бегаа и бркаа луѓе, ова не е прв пат“, навел тој.
Жртвата таму живеела повеќе од 20 години и била кандидат на локалните избори.