Иако „Отписани“ е една од најпопуларните серии од регионот на сите времиња, Воја Брајовиќ открива дека тој и Драган Николиќ, како познатите Тихи и Прле, не можеле да заработат ниту за леб од нивниот прв хонорар, пренесе „Курир.рс“.
– Каскадерите заработуваа многу повеќе од нас. Тие наплатуваа по пад и заработија најмногу, а ние останавме сиромашни. Не мислам дека некогаш сум бил посиромашен од тогаш. Потпишавме договори за малку пари. Кога се обидував да преговарам за повисок хонорар, продуцентите ми рекоа: „Ако не сакаш да потпишеш, има кој сака за тие пари!“. Немав леб да јадам – изјави актерот за „Информер“, додавајќи дека конечно профитирале од втората сезона, снимена четири години подоцна.
– Пред почетокот на снимањето, режисерот Аца Ѓорѓевиќ ме повика и ми рече: Ќе има пари, ќе имате милион динари по епизода. Драган и јас не бевме задоволни од таа сума, туку ја зголемивме на 2.300.000 динари по епизода. Режисерот на серијата, Младен Тодиќ, се согласи, така што Драган и јас заработивме 30 милиони динари за втората сезона- додаде Воја.