Вработени во редарската служба на Град Скопје нападнати од лица кои незаконски истурале отпад (фото)

Денеска двајца вработени во редарската служба на Град Скопје биле нападнати додека ја извршуваа нивната службена должност. Нападот се случи кај Вардариште од страна на лица кои со возило незаконски истурале отпад.

-Од нападот едниот вработен се здоби со повреди пришто истиот е хоспитализиран во Градската болница, а дополнително оштетено е и службеното возило со кое патролирале.

Случајот е пријавен во полиција, заедно со фотографии од возилото и лицата кои незаконски депонираа отпад и го извршија физичкиот напад на службените лица, велат од Град Скопје.