На социјалните мрежи се појави застрашувачка снимка од вооружен маж кој шета низ трговски центар во Копенхаген со пушка закачена на рамо, пред да отвори оган врз минувачите и да убие три лица.
Полицијата соопшти дека меѓу убиените има маж на 40-годишна возраст и двајца помлади, додека 22-годишен Данец е уапсен. Инспекторите рекоа дека напаѓачот дејствувал сам, а нема индиции дека станува збор за терористички акт.
Полицијата одби да го коментира идентитетот на напаѓачот, освен да ја потврди неговата националност и возраст, што е во согласност со данскиот закон. Сепак, некои медиуми јавуваат дека напаѓачот неодамна на Јутјуб објавил неколку видеа со наслов „Не ми е гајле“ и на кои држи оружје.
Multiple people have been killed & several others injured after a gunman opened fire at a shopping mall in Denmark’s capital Copenhagen.
A 22-year-old Danish gunman is in custody. pic.twitter.com/AeQkOCWyWE— Handy Joe (@DidThatHurt2) July 3, 2022
Некои сугерираат дека пушката на снимката е истата онаа што ја користел за да ги убива луѓето во трговскиот центар, но тоа не е официјално потврдено.
На видео кое кружи на интернет, може да се види како човек со пушка на рамо шета низ трговскиот центар, а потоа во еден момент почнува да трча во друга насока, пишува Daily Mail.
Откако убил три лица, полицијата успеала да го уапси.
На местото на настанот пристигнал голем број полицајци, а очевидци велат дека другите муштерии се криеле во продавниците за да не бидат застрелани.