Фотографиите од Истанбул секогаш биле стереотипни – високи џамии, богато украсени палати, стари улици, пазари и приказите на Босфорот. Нема сомневање дека Отоманската империја оставила неизбришлив белег на силуетата на овој величествен мегаполис.
Има, меѓутоа, еден дел на Истанбул, кој е многу напреден и колоритен, а луѓето ретко го забележуваат.
32-годишниот архитект и фотограф Јенер Торун ја документирал таа непознато димензија на овој славен град преку фотографии кои ги споделил на Инстаграм.
“Мојот основен мотив е да докажам дека има една поинаква и малку позната страна на Истанбул, која е многу далеку од ориенталните перцепции”, вели тој.
Сликите изгледаат малку поинаку и многу луѓе, кои инаку се долгогодишни жители на градот, не можат да поверуваат дека овие кадри се направени во Истанбул.
За да ја пополни својата фотоколекција, Торун обиколувал претежно низ индустриски зони на градот, како и кај новите станбени населби. Тој барал прави линии, живописни бои и модерно емитување.