Грчките воени офицери продолжуваат со истрагата за причините за трагичната хеликоптерска несреќа, во која загинаа четворица армиски офицери. Министерот за одбрана Панос Каменос прогласи тридневна жалост, објавува електронското издание Ekathimerini.
Машината UH-1H се урна веднаш по 10 часа во средата (по локално време) крај Еласона, централна Грција. Во моментот останува нејасно кои се причините за несреќата.
Но инцидентот доведе до прекин на електричната енергија во регионот и го покрена прашањето дали хеликоптерот не е удрил во електрични жици.
Претставници на воените органи тврдат дека хеликоптерот немала никакви механички проблеми. Властите очекуваат закрепнување на петтиот офицер кој бил во хеликоптерот при падот за да добијат повеќе информации за причините кои доведоа до трагедијата.