Рускиот претседател Владимир Путин повика на зајакнување на воените можности на Русија, за да остане земјата “силна”.
Тоа се случи додека рускиот претседател ja отвори сесијата на новоизбраниот состав на Државната дума и во позадина на драстичното зголемување на тензиите со САД, соопшти АФП.
“Ние треба да ја зајакнеме безбедноста и способностите за одбрана на нашата земја, за да опстоимне на нејзината позиција на меѓународната сцена”, рече Путин пред руските пратеници. “Сите ние треба да се обединиме, да ги координираме напорите, обврските и правата за да се сочува историското врвно право на Русија – да биде силна”, истакна рускиот претседател.
Во исто време Русија ги предупреди граѓаните дека нуклеарна војна со Западот може да биде неизбежна – предизвикана од судирите на Блискиот Исток. Претставници на руските власти соопштија дека биле изградени подземни засолништа за 12 милиони луѓе.