На масата на претседателот на САД Доналд Трамп има посебно црвено копче, чие притискање е сигнал за испорака на чаша со “Кока-Кола” (Coca-Cola). 
Бирото на државниот пoглавар на САД, што американските лидери го користат со децении, е опремено со “Кока-Кола” копче на инсистирање на сегашниот сопственик на Белата куќа.
Медиумите одамна обрнаа внимание на тоа дека Трамп е зависник од “Кока-Кола” и често за време на работа се разладува со газираниот пијалок. Во јануари новинар од телевизија Си Ен Ен документираше како Трамп работи со документи за време на телефонски разговор и до купот листови има чаша со “Кока-Кола”.
Кока-Кола е измислена во 19 век од Американецот Џон Пембертон, кој ја замислувал како лек што се купува без рецепт. Благодарение на агресивната маркетинг политика на бизнисменот Ејза Григс Кандлер таа станува лидер на светскиот пазар за безалкохолни пијалаци во 20 век, а продолжува да е таква и во новиот век.
Денес Кока-Кола се произведува како концентриран сируп кој се испорачува на бројни франшизно компании кои го флашираат, дистрибуираат и продаваат. Кока-Кола произведува и неколку пијалаци, кои го носат брендот Кока-Кола, но се разликуваат по вкус или состав од класичната пијалок.
Најпопуларната и распространета од нив е диететската Кока-Кола (Coca-Cola zero), која се претвора во најпопуларниот диететски напиток. Компанијата произведува уште Кока-Кола со додаден екстракт на кафе (Coca-Cola Blāk), со вкус на ванила (Coca-Cola Vanilla), цреша (Coca-Cola Cherry), лимон (Coca-Cola with Lemon), како и таква без кофеин (Caffeine-free Coke).