На полуостровот Рејкјанес на југозападот на Исланд по неколкунеделни интензивни земјотреси синоќа еруптираше вулкан. Околу 4.000 луѓе претходно беа евакуирани од рибарскиот град Гриндавик.
Ерупцијата започна северно од градот во 22:17 часот по локално време, соопшти исландската метеоролошка служба. Регионот околу главниот град Рејкјавик од крајот на октомври доживува зголемена активност на земјотреси, јавува Би-Би-Си.
Сликите и видеата објавени на социјалните мрежи покажуваат лава како избива од вулканот само еден час по земјотресот.
WATCH: Moment volcano erupts near Grindavík, Iceland pic.twitter.com/3CaFcnKpbv
— BNO News (@BNONews) December 18, 2023
Очевидец од градот изјавил за Би-Би-Си дека половина од небото во правец на Гриндавик е „осветлено во црвено“. Тој исто така рече дека чад се крева високо во воздухот, а полицијата ги предупредува луѓето да се држат подалеку од областа.
Хеликоптер на крајбрежната стража бил испратен во областа за да ја потврди точната локација и големината на ерупцијата.
Националната метеоролошка служба соопшти дека ерупцијата се наоѓала на околу 4 километри североисточно од Гриндавик и дека сеизмичката активност се движи кон градот. Должината на пукнатината во вулканот е околу 3,5 километри, а лавата тече со брзина од околу 100 до 200 кубни метри во секунда, се додава.
My first close-up shots of the new eruption on Reykjanes Peninsula which began a few hours ago (December 19th, 2023).
© Hörður Kristleifsson – @h0rdur pic.twitter.com/1Ue3b2B1kO
— Hörður Kristleifsson (@h0rdur) December 19, 2023
„Млазовите (на лавата) се доста високи, така што на почетокот се чини дека е моќна ерупција“, рече тој.
Ерупцијата може да се види од Рејкјавик, кој е на околу 42 километри североисточно од Гриндавик.
Во април 2010 година, ерупцијата на вулканот Ејафјалајокул го предизвика најголемото затворање на европскиот воздушен простор од Втората светска војна, како резултат на голем облак од пепел.