На социјалните мрежи се шират снимки од земјотресот кој во понеделникот ја погоди Јапонија. Десетици згради се уништени, илјадници луѓе останаа без струја, а во четири земји беше издадено предупредување за цунами како последица на земјотресот со јачина од 7,6 степени.
На видео снимено во ресторан и куглана може да се види како сè се тресе, а се слуша силен шум. Луѓето кои се нашле во просторијата се сокриле под масите.
WATCH: 7.6-magnitude earthquake hits western Japan. Reports of damage coming in pic.twitter.com/g2C1Fxetb4
— BNO News (@BNONews) January 1, 2024
Се појави и видео од паркинг. Автомобили се тресеа и алармите беа активирани.
Земјотресот предизвика бранови високи околу еден метар долж брегот, а властите предупредуваат дека може да следат уште посилни. Јапонската метеоролошка агенција издаде посебно предупредување за префектурите Ишикава, Ниигата и Тојама. Првично беше издадено големо предупредување за цунами за Ишикава, прво по земјотресот во 2011 година, но предупредувањето подоцна беше намалено. Покрај Јапонија, предупредувања беа издадени и во соседна Кореја и Русија.
#Earthquake2024 #Japan
A massive magnitude 7.6 #earthquake has struck #IshikawaPrefecture, in central #Japan. Major damage can be seen with videos shared online. This video is not mine. I just put together multiple videos. pic.twitter.com/FQUmG5EEMW— SLCScanner (@SLCScanner) January 1, 2024
Јапонската метеоролошка агенција предупреди дека силна сеизмичка активност ќе се почувствува во следната недела, кога земјата повторно би можел да ја погоди земјотрес со јачина од 7 степени.