293
Шефот на Qantas рече дека пандемијата најверојатно ќе ја чини фирмата 20 милијарди австралиски долари во загубен приход до крајот на 2021 година.
Алан Џојс објави дека неговата фирма има годишна загуба од 1,83 милијарди австралиски долари.
Загубата беше за годината до крајот на јуни и не го вклучува најновиот „lockdown“ на Сиднеј.
Сепак, Qantas вели дека е надежно дека некои меѓународни патувања ќе се отворат навреме за Божиќ.
„Условите за тргување искрено беа ѓаволски“, додаде тој.
Но, компанијата е оптимист дека ќе може да продолжи со некои меѓународни летови од декември, откако бројот на вакцинирани во Австралија достигна 80%.
Фирмата се надева дека ќе ги обнови летовите до „дестинации безбедни за Ковид, што може да ги вклучи Велика Британија, САД, Канада, Јапонија и Сингапур.
Авиокомпанијата исто така очекува да врати во функција пет од своите супер џамбо А380 до средината на следната година за да се задоволи големата побарувачка за летови до Лос Анџелес и Лондон.
2.500 вработени беа отпуштени претходно овој месец, бидејќи се воведе „lockdown“ на Сиднеј кој влијае на воздушниот сообраќај низ Австралија.
Исто така, во август, компанијата рече дека сите нејзини вработени мора да бидат вакцинирани против Ковид-19.
На работниците од првите редови, вклучувајќи пилоти, екипаж на кабината и персоналот на аеродромот им беше кажано дека мора да бидат целосно вакцинирани до средината на ноември.
Фирмата рече дека нејзините преостанати вработени имаат рок до крајот на март следната година да ги добијат двете дози.