Студентскиот пленум денеска на седмиот ден од прогласувањето на првата Автономна зона на Филозофскиот факултет во Скопје, ја прогласи третата Автономна зона на Техничкиот факултет во Битола, ја бојкотираше наставата и на Педагошкиот факултет, а ги прошири своите активности и на архитектонско тло.
Следните две фотографии ја илустрираат денешната атмосфера на Архитектонскиот факултет.
Денеска беше бојкотирана наставата од пленумци и на Педагошкиот факултет кои се незадоволни од новите законски решенија кои предвидуваат и Академија за наставници со која дополнително се усложнуваат студиите и вработувањето за идните наставници.
На факултетите во кои е прогласена слободна автономна зона, Техничките и Филозофскиот факултет во Скипје, нема класична настава, но секојдневно се одржуваат алтернативни предавања.
Денеска професорот Ферид Мухиќ пред студентите говореше за Одбрана на академската република. Тој ја охрабрува идејата на студентите за слободна територија на факултетите во обид да не биде завземен и последниот бастион на слободната мисла.
Неофицијално, сериозно се дискутираат можните окупации на уште факултети, а во меѓувреме се очекуваат претставници на Владата да прифатат да преговараат на тлото на Универзитетот.