Дали најуспешниот дизајнер во историјата на Формула 1, Адријан Њуи, може да работи заедно со најуспешниот возач во историјата на спортот, Луис Хамилтон? Ова прашање е меѓу најинтересните во Формула 1 оваа сезона, со тоа што Хамилтон веќе потпиша со Скудерија, а информациите за преговорите меѓу Њуи и Ферари стануваат подетални и доаѓаат од сигурни извори.
Ферари беше блиску до потпишување на Њуи во 2014 година, но преговорите сега се опишуваат како „многу сериозни“ и многу брзо се очекува конкретен исход.
Поранешниот Ф1 возач Герхард Бергер, кој помина 6 сезони во Ферари, верува дека ако Хамилтон и Њуи работат заедно во Маранело, Скудерија може да се врати во својот најуспешен период со Михаел Шумахер, Жан Тод, Рос Браун и компанија од почетокот на векот.
„Ќе има нова успешна ера за Ферари, но со Хамилтон наместо Михаел“, објасни Австриецот. Има сериозни промени кои се случуваат во Ферари, но тимот се развива во вистинската насока и ќе стане посилен во блиска иднина“.
Хамилтон го коментираше и евентуалниот трансфер на Њуи од Ред Бул во Ферари, а Адријан веќе изјави дека едно од неговите жалења во кариерата е тоа што не соработувал со Луис.
Мислам дека мојот трансфер покажува дека ништо не е невозможно и сега ни претстојат интересни 6 месеци – објасни Хамилтон. – Знам дека Адријан ја добива заслугата за работата на целиот тим, но знам и дека има одлучувачки придонес во создавањето и развојот на болидите на тимот за кој работи. Но, таа одлука не е моја. Оваа година се натпреварувам против Њуи, сè уште не можам да зборувам за следната година“.