На автопатот Струма синоќа загинаа 46 македонски туристи, меѓу кои 11 деца. Луѓето се враќаа во Скопје по патување во Истанбул. Преживеаја 7 лица, сите се во животна опасност и се сместени во „Пирогов“.
Најмладиот патник во автобусот имал 4 години, додека најстариот 63. Според известувачот на БГНЕС, повеќето од патниците се родени помеѓу 1971 и 2004 година.
Од Истанбул до Скопје сообраќале четири автобуси. Автобусот кој доживеа несреќа е во сопственост на македонската компанија „Беса Транс“. Патувањето во Истанбул го организирала за 79 евра.
Се работи на две верзии – човечка грешка на возачот и ненадејна техничка неисправност.
Неколку часа по инцидентот, во Софија пристигнаа премиерот на С.Македонија, Зоран , министерот за надворешни работи Бујар Османи и министерот за здравство Венко Филипче.
Тие најпрво ги посетија преживеаните патници, кои брзо беа сместени во болницата „Пирогов“.
Веднаш потоа, Заев и Стефан Јанев, премиерот на Бугарија, разговараа на Министерскиот совет, а подоцна македонскиот премиер се сретна со претседателот на земјата, Румен Радев.
Привремената министерка за регионален развој и јавни работи Виолета Комитова нареди да се формира работна група, која во рок од 5 дена ќе изврши увид и проверка на тротоарот, патната сигнализација, системите за задржување, хоризонталното обележување и врз основа на тоа, ќе презентира извештај за состојбата на делницата „Струма“ и да се процени какви мерки ќе бидат преземени за нивно обновување.