Германската компанија „Бионтек“ денес објави дека вакцината развиена во соработка со „Фајзер“ е ефикасна против разни видови на коронавирус, бидејќи ниту една студија во оваа фаза не укажува на потреба за нова формула.
„До денес нема индикации дека е неопходна адаптација на тековната вакцина на Бионтек против главните идентификувани соеви“, велат од лабораторијата.
Компанијата додава дека тие сè уште развиваат „сеопфатна стратегија за справување со овие видови доколку е потребно во иднина“.
„Бионтек“ наведува дека тестирањето на „модифицираната верзија“ на постојната вакцина започнало во март.
„Целта на оваа студија е да се испита патот по кој би поминале „Бионтек“ и „Фајзер“ доколку САРС-КоВ-2 се промени доволно за да се побара ажурирање на вакцината“, се додава во соопштението.