Џенет Џексон ја доби наградата „Билборд икона“

од Vladimir Zorba

Американската пејачка Џенет Џексон ќе добие уште една потврда за својот статус во музичката индустрија на овогодинашната церемонија на доделување на „Билборд наградите“ (Billboard Awards).

Таа на свеченоста на 20 мај во Лас Вегас ќе ја добие наградата „Билборд икона“ (Billboard Icon Award) како признание за нејзината долгогодишна успешна кариера, а нејзините песни со децении беа на врвот на топ листите.

По тој повод Џенет Џексон на церемонијата ќе настапи во живо првпат по девет години.

Меѓу останатите добитници на оваа награда се Принс, Стиви Вондер, Шер, Нил Дајмонд, Селин Дион и Џенифер Лопез./МИА

Слични содржини