Генералштабот на Украина откри во кој правец Русите најжестоко напаѓаат

Руските сили напаѓаат речиси на сите делови од фронтот, а во изминатите 24 часа најжестоки борби се водеа во правец на Маринка, каде украинските војници одбија повеќе од 20 напади, соопшти Генералштабот на вооружените сили на Украина утрово.

Украинските сили ги одбија руските напади во правец на Купјанск и продолжуваат со офанзивните операции јужно од Бахмут, јавува агенцијата Униан.

Руските војници не се откажуваат од обидите да ја опколат Авдеевка, но украинските војници цврсто ја држат одбраната, се вели во соопштението.