Градоначалникот на Лондон, Садик Кан, денеска ќе ја повика британската влада да ја признае „огромната штета“ предизвикана од излегувањето на Велика Британија од Европската унија и да признае дека Брегзит не функционира.
„После две години негирање и избегнување, сега треба да се соочиме со тешката вистина: Брегзит не функционира“, рече Кан, долгогодишен противник на Брегзит, во говорот кој го пренесе агенцијата „Франс прес“.
Брегзит ја ослабе економијата, го наруши единството и го наруши угледот на земјата, се наведува во говорот и се додава дека штетата од Брегзит не е непоправлива.
„Ни треба поголемо усогласување со нашите европски соседи“, се наведува во говорот.
Поддршката за Брегзит никогаш не била толку ниска. Според анкетите, помалку од една третина од Британците веруваат дека тоа била правилна одлука.
Кан во текот на денот ќе ѝ се обрати на бизнис заедницата во Обединетото Кралство.