Генералниот директор на полиција во Албанија Артан Диди поднесе оставка по обвинувањата дека Интерпол во Тирана прикривал информации за пратеникот Марку Фроку.

Како што е наведено од страна на албанските медиуми, Диди поднесе оставка поради морална одговорност и обвиненијата против директорот на Интерпол на Албанија Артан Бајрактари и шеф на Одделот на Интерпол во Тирана Љорете Але, кои се сомничат дека не постапувале во согласност со закон, во случајот за пратеникот обвинет за убиство во Белгија.

Во образложението на оставката во кое медиумите имаа пристап, директор на албанската полиција наведува дека ја поднесува поради неможноста да ги контролира подредените.

Диди, исто така, поднел поради тоа што открил злоупотреби во одделението за Интерпол, но тој не успеа да обезбеди доволна контрола на вработените во таа организација.

Бајрактари и Љорете Ала се уапсени денеска, неколку дена откако двајца членови на албанскиот парламент, во Дом Доши и Марк Фроку, се уапсени под сомнение дека лажно го обвиниле претседателот на Собранието, Илир Мета дека тој планирал да убие еден од нив.

Мета цврсто ги негираше обвинувањата. Доши тврди дека Фроку го информирал за наводните подготовки за атентат врз него, што тој ги нарече како невистинити.