Мрачниот брифер Христијан Мицкоски веќе ни сам не си верува на лагите и дезинформациите.Лаги од типот „барал средба за да не се сретне“ или „му се сонило дека заработил 250 илјади евра“.Мицкоски се свде на тоа да штом отвори уста лаже-сушти, реагираат од СДСМ по изнесената информација на лидерот на опозициската ВМРО-ДПМНЕ, Христијан Мицкоски на денешниот брифинг со новинарите каде обвини дека Вице Заев, брат на премиерот Зоран Заев изнудил 250 илјади евра од компанија од Битола која добила тендер за ископ на јаглен од РЕК Битола
-Не му е прав пат на опседнатиот Мицкоски да изнесува лаги, невистини, конструкции за семејството на претседателот Заев. Но, тоа зборува за состојбата во којашто Мицкоски се наоѓа.
Впрочем, студија објавена од Европскиот парламент Христијан Мицкоски е наведен како извор на дезинформации.
Може Мицкоски уште 100 пати да се обидува со измислени афери да ги лепи своите манири и манирите на Груевски на актуелната власт, ама лагата не му фаќа корен.
Истуркан на маргините од страна на граѓаните, Мицкоски кукавички се крие од јавноста, наместо јавно на прес конференција, свикува тајни, мрачни брифинзи. Нема лице ни пред камери да излезе, веќе за народот да не му ја види пропаднатата лага.
Но, народот ќе му ја чуе пропаднатата лага.
„Бомбастичните“ наслови врз основа на лагите на Мицкоски се креирани само за фама, а внатре празно, слама. Класична вмровска фејк-слама за манипулација.
Аман доста го навредувате народот. Народот не е добиток – на народот му се гади од вашата празна слама, стои во рекацијата на СДСМ.