За време на антивоените протести пред руската амбасада во Даблин, Република Ирска, неидентификуван маж со камион ја скршил капијата на влезот на амбасадата, додека демонстрантите збунето гледале што се случува, пишува во понеделникот „The Irish Times“.
На снимките што се појавуваат на социјалните мрежи се гледа како камион со голема приколка се движи наназад додека не ја сруши капијата на руската амбасада, што неколкумина го поздравија со аплауз и извици „браво“, додека други збунето го следеа инцидентот, пишува „The Irish Times“.
Откако ја срушил капијата, камионџијата се претставил како „работник“ од ирското село Леитрим и додал дека полицијата најверојатно ќе го уапси по се што направил.
За време на апсењето, тој кратко рекол: „Јас го направив мојот дел, момци. Време е остатокот од Ирска да го направи својот дел“.
A large truck has crashed through the gates of the Russian embassy in south Dublin. One man has been arrested. pic.twitter.com/35yLDfGhEd
— RTÉ News (@rtenews) March 7, 2022
Полјакот Лукаш Риз, кој протестирал пред амбасадата кога се случи инцидентот, сведочел дека возачот на насобраните им рекол: „Сакам да ја срушам оваа капија. Потоа се погрижи никој да не му застане на патот, на што беше многу внимателен“, рече Риз.
A truck crashed through the gates of the Russian embassy in Dublin, Ireland. One man has been arrested.
— Moshe Schwartz (@YWNReporter) March 7, 2022
Демонстрантите се собираа секој ден пред амбасадата 10 дена од руската инвазија на Украина. Дваесет минути пред да пристигне камионот, неколку демонстранти седнале на влезот во амбасадата со цел да ги спречат вработените во амбасадата да го напуштат објектот.