Фудбалерите на Торонто ја заменија Канада со сончевата Флорида за да избегнат потенцијални проблеми поврзани со пандемијата на коронавирус, но исто така мораа да се соочат со еден проблем.
Имено, на самиот почеток на еден тренинг пред натпреварот против мексиканскиот Круз Азул во рамките на Лигата на шампионите во КОНКАКАФ, се слушнале вресоци, а потоа и бегање од страна на играчите.
„Сè што можам да ви кажам е дека имаше алигатор, огромен алигатор. И моите играчи трчаа кон него додека одев на другата страна. Пазете, ние постојано зборуваме за потребата да се биде бестрашен на теренот, но не очекував дека ќе мора да го докажеме тоа на овој начин“, изјавил тренерот на Торонто, Крис Армас.
Make it training, but with special guests: 🐊 pic.twitter.com/3nErr4pVuS
— Toronto FC (@TorontoFC) April 26, 2021
Потоа додаде со насмевка:
„Можеби е вообичаено тука на Флорида, затоа што сте толку близу до водата, но мислам дека беше одлично за нас момците да го гледаме ова одблизу и во живо. Тоа беше некако еден кул начин да се започне со тренингот“, открил тој.