Уште еден во низата гафови му се случи на американскиот претседател Џо Бајден во неделата за време на прес-конференција во главниот град на Виетнам.
Додека Бајден одговараше на прашања на новинарите, ненадејно беше прекинат од неговата портпаролка Карин Жан-Пјер, пишува Дејли Меил.
– Зборувавме за стабилност, за Третиот свет, извинете, Јужната хемисфера има пристап до промени. Воопшто немаше конфликт, Бајден зборуваше неповрзано.
Одеднаш, сепак, неговиот циклус на мисли беше прекинат од страна на портпаролката.
– Благодарам на сите. Со ова завршува прес-конференцијата, рече таа.
За цело време, Бајден не престана да зборува, не сфаќајќи дека неговиот микрофон е исклучен. Потоа се случи уште една чудна ситуација. Над звучниците почна да свири џез музика, а 80-годишниот претседател се уште зборуваше на микрофонот.
Додека се обидуваше да одговори на некои други реплики, музиката стануваше се погласна и погласна, што го натера Бајден да ја земе кожената папка и да ја напушти сцената со бавен ритам и да исчезне зад црната завеса.
Joe Biden’s staff cut his mic in the middle of a sentence during a press conference
Who is really in charge?
— Benny Johnson (@bennyjohnson) September 10, 2023
Многумина го изразија своето изненадување и револт на социјалните мрежи поради „бизарното“ соопштение за медиумите.
Имаше многу необични ситуации: шепотење на Бајден, шетање по сцената, користење на необичната фраза „lying dog-faced pony soldier“, за време на 26-минутното обраќање пред новинарите.
По два дена поминати во Индија на самитот на лидерите на Г-20, Бајден во неделата отпатува за Виетнам со цел да ги подобри дипломатските односи меѓу двете земји.