Денес во Собранието се закажани седниците на комисиите за здравство и финансирање и буџет.
Меѓудругото, во рамки на Комисијата за здравство на дневен ред ќе се најдат предлог – законите за изменување на Законот за земање и пресадување на делови на човечкото тело заради лекување, на Законот за јавно здравје, на Законот за безбедност на козметичките производи, на Законот за хемикалии, како и Предлог – законот за изменување и дополнување на Законот за санитарната и здравствена, сите во второ читање.
Пред членовите на Комисијата за финансирање и буџет се предлог законите за изменување и дополнување на Законот за комуналните такси, на Законот за даноците на имот, на Законот за финансирање на единиците на локалната самоуправа, на Законот за буџетите, Законот за јавен долг, сите во прво читање.
Членовите на Комисијата ќе ги разгледаат и предлог измените на Законот за административните такси, на Законот за стоковните резерви, на Законот за пријавување и евиденција на обврски, сите во прво читање.
На дневен ред на оваа седница се и Предлог – закон за отпис на камати и репрограмирање на долгови и трошоци на јавни претпријатија, како и Предлог законот за изменување и дополнувањата на Законот за акцизите, двата по скратена постапка во второ читање.