Германката Анжелик Кербер е победничка на Грен слемот УС Опен, откако синоќа во финалето беше подобра од Каролина Плишкова со 2-1.
Првиот сет германската тенисерка го доби со 6:3, Плишкова изедначи по 6:4 во вториот сет, а со ист резултат (6:4) Кербер го доби третиот сет за конечен триумф.
За Кербер ова е втор трофеј од Грен слем турнирите оваа година, претходно на почетокот од 2016. победи и на Австралија Опен во Мелбурн.
Добрите игри и победата во Њујорк, на Кербер од понеделник ќе и овозможат да се искачи на првото место на Светската ранг листа.
Покрај Кербер такво нешто постигнала само Серена Вилијамс (2009, 2010, 2012, 2013, 2015) и Жюстин Хенин (2007).
“Тоа е само неверојатно” Победив втора титула од гренд слем и тоа е најдобрата година во мојата кариера. За мене се тоа започна тука во 2011 година (полуфинале).
И сега, пет години подоцна јас стојам тука со трофејот. Сите мои соништа се обистинија оваа година “, рече среќната Кербер по дуелот. Во понеделникот таа ќе ја префрли од врвот на светската листа Серена Вилијамс.
Кербер е првата Германка по Штефи Граф во 1996 година, која освои Отвореното првенство на САД.
На УС Опен вечер од 22 часот ќе стартува машкото финале во кое учествуваат Новак Ѓоковиќ (Србија) и Стан Вавринка (Швајцарија).