Руското Министерство за одбрана соопшти дека лидерот на екстремистичката група Исламска држава Абу Бакр ал Багдади можеби бил убиен во руската воздушен напад во Сирија во минатиот месец.
Руските новински агенции цитираат извори на Министерството дека користело неколку извори за да ги провери информациите што укажуваат на тоа дека ал Багдади бил убиен во воздушен напад врз јужните предградијата на Рака на 28 мај.
Во овој напад загинале околу 330 луѓе, вклучувајќи и неколку високи личности на ИД.
Портпаролот на меѓународната коалиција, предводена од САД, која се бори против Исламска држава, полковник Рајан Дилон, изјави денеска дека не може да ги потврди тврдењата дека е убиен лидерот на Исламска држава, Абу Бакр ал Багдади.
Соопштението на американската коалиција следеше по тврдењето на Русија дека го убила Ал Багдади кон крајот на мај во воздушен напад на местото на состанокот на лидерот на ИД на периферијата на нејзината „престолнина“ во Сирија, Рака.
– Во овој момент не можеме да ги потврдиме овие наводи, рече Дилон.
Пред пет дена и сириската телевизија пренесе вест дека ал Багдади е најверојатно убиен во воздушен напад.