Србија може да ги затвори границите за мигрантите

Ако другите земји на патот на бегалците ги затворат границите, Србија ќе го направи истото независно од нивните сфаќања, изјави денеска претседателот на земјата, Томислав Николиќ, пренесува Tанјуг.

Србија се соочува со предизвици во миграциската криза и спроведува засилени преговори за тоа со Брисел, истакна пред новинарите шефот на државата.
“Немаме потреба од можност за сместување на повеќе од пет до шест илјади лица, бидејќи тоа би значело дека некој планира овие луѓе да останат тука подолго”, истакна Николиќ.

Тој објасни дека досега имало само спорадични инциденти со бегалците во Србија, но ситуацијата може да се влоши во даден момент. “Неопходна е брза реакција во соработка со ЕУ”, додаде претседателот.