110
Уште четири лица се примени на клиниката за Инфективни болести со симптоми на труње од храна.
Лекарите потврдуваат дека и тие јаделе во скопската сендвичара во Лептокарија – Седмица.
Петтемина пациенти кои вчера беа хоспитализирани на клиниката се во стабилна здравствена состојба, надвор од животна опасност.
На клиниката биле примени со повраќање, висока температура, дијареа и дехидрирани. Повеќето од нив се млади лица кои консумирале сендвичи со плескавици и пилешко со кечап и мајонез. Од Министерството за здравство информираа дека надлежните извршиле инспекција на сендвичарата и наложено е да се изврши вонредна дезинфекција и дератизација како и хигиенски преглед на вработените.