Веднаш откако излегоа вестите за изненадувачкиот развод помеѓу Бред Пит и Анџелина Џоли, списанието Page Six информира дека Џоли поднела барање за развод откако открила со приватен детектив дека нејзиниот сопруг има афера со актерката Марион Котилар. Сепак, гласините остануваат непотврдени.
“Таа најмила приватен детектив зашто почувствувала дека флертува со неа на сетот, и излегло дека тоа е вистина. Тоа беше последната капка“, раскажал анонимен извор пред весникот. Пит и Котилар во моментов заедно учествуваат во нов филм “Allied“.
Сепак, списанието TMZ, кое што прво ја објави веста, информираше изворно дека “немало трето лице“ вклучено во разделбата, и дека одлуката на Џоли Пит за развод била единствено базирана на несогласувањето со начинот на кој Пит ги воспитува децата.
Изворите исто така изјавиле дека на Енџи ѝ било доста од консумирањето на трева и алкохол на Бред. Исто така таа зборувала за “проблеми со бесот“.
Џоли Пит побарала “поништување на бракот“, според изјавата на нејзиниот адвокат на 15 септември. Таа наводно побарала физичко старателство за шесте деца и сакала тој да добие само правно старателство, со право на посети.