Членовите на Бугарската социјалистичка партија, која ја претставува земјата во Европскиот парламент, се согласиле да остават белешка за македонското малцинство во резолуцијата на ЕП за Бугарија, изјавил заменик-претседателот на парламентарната партија ВМРО БНД, Милен Михов, во интервју за бугарско радио. Оваа партија цело време го критикувала документот.
Бугарија постојано ги осудува повиците на европратениците да го признаат македонското малцинство во резолуцијата. Во документот не се споменува директно македонското малцинство. На крајот на документот, авторите на резолуцијата ги наведуваат одлуките на Европскиот суд за човекови права во врска со одбивањето на Бугарија да регистрира партии кои инсистираат на признавање на македонското малцинство.
„Ова е она што им дава надеж на водечките кругови во Скопје, дека е можно да се изврши надворешен политички притисок врз Бугарија и дека таа ќе капитулира“, рекол Михов.
Според него, Бугарија треба да ја покаже својата позиција пред своите европски и евро-атлантски партнери, а тоа е дека земјата не спречува С. Македонија да влезе во ЕУ, но во исто време, владата во Скопје мора да ја прифати историската реалност каква што е.
Михов соопштил дека претходно во Скопје и предложиле на Софија да го прослави 11 октомври како ден на борбата против фашистичкото владеење во Бугарија и фашистичката окупација на Македонија од Бугарија за време на Втората светска војна. Бугарија тој период на македонско владеење го нарекува период на бугарската администрација и не го смета за окупација.
„Бугарската администрација е дел од Вардарска Македонија од 20 април 1941 година, додека таканареченото Народно востание на македонскиот народ започнало на 11 октомври 1941 година. Се поставува прашањето зошто македонскиот народ половина година претходно не ја започнал војната против бугарските фашисти?“, изјавил Михов и додал дека тоа се случило, затоа што Македонија не се сметала себеси за окупирана, туку напротив ослободена земја.