Килограм фентанил е пронајден под подлога за спиење во дневен престој во Њујорк. Според полицискиот извештај, едно дете починало, а три од нив се пренесени во болница, пишува Би-би-си.
Николас Доминици одел во градинка само една недела пред да умре од предозирање. Инцидентот се случил во петокот во Бронкс, покрај него, во болница биле примени и три деца на кои им бил даден Наркан – итен лек кој се користи за да се поврати предозирањето со опиоиди.
“Children aren't even safe at a daycare.”
-the mother of 1 year old Nicholas Dominici, who was one of 4 children police say exhibited signs of fentanyl exposure at a daycare last night. He did not survive. Her and her husband’s interview tonight on @CBSNewYork pic.twitter.com/65rdJIWWcq
— Kristie Keleshian (@KristieKNews) September 16, 2023
Две лица се обвинети за поседување дрога и убиство. Полицијата верува дека децата на возраст од осум месеци до две години вдишувале фентанил и на тој начин се предозирале. Во претресот на дневната градинка пронајден е килограм фентанил под душекот каде што спиеле децата, изјави во понеделникот главниот детектив на Њујорк, Џозеф Кени. Откриени се и три преси за пакување лекови.
Греј Мендез (36), сопственик на дневен престој „Дивино Нињо“ во Бронкс и нејзиниот закупец Карлисто Ацеведо Брито (41) беа обвинети за поседување наркотици со намера да дистрибуираат што резултираше со смрт.
-Тврдиме дека обвинетите отруле четири бебиња, а едно од нив го убиле бидејќи од градинката ја воделе операцијата за пакување и продажбата. Тоа е место каде децата треба да бидат безбедни, а не опкружени со дроги кои можат да ги убијат во еден момент, изјави американскиот обвинител Демиен Вилијамс.
Полицијата тврди дека количината на дрога која ја пронашле во градинката можела да убие 500.000 луѓе. Фентанил е синтетички аналгетик кој е 50 пати појак од хероинот. Надзорните снимки и телефонските записи покажуваат дека сопругата на Мендез се јавила откако сфатила дека децата не се добро. Тој извадил неколку торби за пазарење од собата во која спиеле децата и заминал, а таа повикала брза помош.
Властите се уште трагаат по нејзиниот сопруг, кој во судските документи е наведен како учесник во злосторството. Адвокатот на сопственичката на градинката рече дека неговата клиентка ги негира наводите и дека не знаела дека дрогата била во детската соба.
– Нејзиниот единствен криминал е тоа што изнајмила соба на некој што имал килограм дрога. Нема докази дека таа направила нешто друго освен правилно да се грижи за децата, тврди нејзиниот адвокат Андрес Аранда.
Мендез и Брито се означени како потенцијални бегалци и се задржани без кауција. Доколку бидат осудени им се заканува доживотен затвор.
Локалните здравствени инспектори извршија ненадејна проверка на градинката на 6 септември и не открија никакви абнормалности, изјави градскиот комесар за здравство Ашвин Васан.
– Многу ми е жал, но една од работите за која не се обучени инспекторите за заштита на децата е да бараат фентанил. Но, можеби ќе треба да биде, рече тој на прес-конференција во понеделникот.
На истата прес-конференција, градоначалникот Ерик Адамс повика на национално повлекување на лекот, нагласувајќи ја неговата моќ.
– Количина од една десетина од ноктот може да убие возрасен, замислете што му прави на детето, рече тој држејќи фотографија на која се гледа смртоносната доза во споредба со паричка од еден цент.