Голема акција за апсење педофили: Во 38 држави зад решетки се најдоа 338 лица

Американските правници задолжени за борба против педофилијата објавија дека во 38 држави се уапсени 338 лица поврзани со педофилија преку интернет.

Уапсени се како дел од кривичната истрага за веб-страниците за детска порнографија кои продаваат видеа за криптовалута биткоин, соопшти агенцијата.

Веб-страницата Welcome To Video  беше затворена во март 2018 година и на неа биле прикажани над 250.000 видеа, соопштија властите.

Американските власти во соработка со нивните колеги од целиот свет  уапсија и обвинија лица во Соединетите држави, Велика Британија, Јужна Кореја, Германија, Саудиска Арабија, Обединетите Арапски Емирати, Чешка, Канада, Ирска, Шпанија, Бразил и Австралија, како и во други земји, соопшти Министерството за правда на САД.