Актуелно
Почетна / TOP NEWS / ИЗБОРИ 2020: Партиска визија за дигитална Македонија, чија понуда ќе победи?

ИЗБОРИ 2020: Партиска визија за дигитална Македонија, чија понуда ќе победи?

Институтот за развој на електронски комуникации, воочи изборната кампања и предвремените избори за избор на пратеници во Македонското Собрание, спроведе анкета помеѓу гласачите и ги спореди изборните програми на двете најголеми македонски партии: владејачката СДСМ и опозициската ВМРО-ДПМНЕ.

Споредбата е во делот на програмската понуда и визија за дигитализација, политики во областа на електронските комуникации, како и политики во сферата на реформи на медиумите.

Изборната програма на СДСМ и коалицијата го носи насловот „Можеме“ и е на 268 страници. Изборната програма на ВМРО-ДПМНЕ и коалицијата го носи насловот „Проект Обнова на Македонија“ и е на 340 страници.

Во анализата се опфатени само деловите кои се однесуваат на медиумите и развојот на електронските комуникации, како и на дигитализацијата која доведува до дигитална трансформација на општеството.

Дополнително, Институтот за развој на електронски комуникации ИНРЕКОМ во периодот од 30.6 до 05.07, за сопствени потреби, спроведе онлајн истражување на јавното мислење – преку електронска анкета на платформата „Гугл Формс“.

Нарачател и извршител на анкетата е Институтот ИНРЕКОМ, со максимален ангажман во поглед на спречување на злоупотреби и двојно гласање преку заштитните механизми кои ги нуди самата платформа развиена од Гугл.

Линк до целосната ПДФ анкета

https://inrekom.org.mk/wp-content/uploads/2020/07/anketa-partiska-vizija-digitalna-makedonija-0907-xxpdf.pdf

loading...