Конфликтот во Украина би можел да ескалира во нуклеарна војна поради префрлањето на западните тенкови во Киев, изјави поранешниот американски претседател Доналд Трамп.
„Прво тенкови, а потоа нуклеарни оружја. Запрете ја оваа луда војна сега. Тоа е толку лесно да се направи“, напиша политичарот на својата социјална мрежа Truth Social.
Трамп постојано предупредуваше дека ситуацијата во Украина може да ескалира во трета светска војна. Политичарот е убеден дека непријателствата немаше да започнат доколку тој продолжел да биде претседател на САД.
Германската влада претходниот ден објави дека ќе испрати тенкови Леопард 2 во Украина.
Планирано е формирање на два тенковски баталјони, а во првата фаза Берлин од складиштето на Бундесверот ќе префрли чета од 14 борбени возила А6.
Како што истакна германскиот министер за одбрана Борис Писториус, тенковите би можеле да пристигнат во Украина на крајот на март.