Уставниот суд на Република Северна Македонија, по одржаната XIV седница изрече времена забрана за владината уредба со која се ограничуваше движењето на граѓаните постари од 67 и за лицата помлади од 18 години.
Од утре и повозрасните и помладите ќе можат да да излегуваат од 5 до 19 часот, како и другите граѓани.
-Уставниот суд ја отфрли иницијативата за оцена на уставноста и законитоста на Одлуката за изменување на Одлуката за забрана и посебен режим на движење на територијата на Република Северна Македонија („Службен весник на Република Северна Македонија“ бр.92/2020);- стои во одлуката од судот.
Уставниот суд изрече времена забрана и за ограничувањето за лицата помлади од 18 години. И за нив, полицискиот час ќе важи како и за останатите граѓани од 5 до 19 часот, место од 12 до 19 часот.
Уставниот суд, покрај времената забрана за ограничување на движењето за овие две категории, поведе и постапка за тие ограничувања и на некоја од наредните седници ќе се гласа за уставноста на полицискиот час за младите и пензионерите, за кој што мнозинството од уставните судии сметаат дека е дискриминаторски.