Европскиот совет за меѓународни односи, неодамна ги објави потенцијалните цели кои севернокорејскиот лидер, Ким Јонг-ун, би можел да ги нападне при евентуална нуклеарна војна.
Како што беше објавено од страна на советот, листата на потенцијални цели, меѓу кои има многу градови во САД, Белата куќа, како и Пентагон, е креирана преку анализа на информации прибавени од севернокорејски извори.
Иако САД најчесто се споменуваат како мета на проектилите на Ким, сепак прилично засегнати се и Јапонија и Јужна Кореја.
Во продолжение, ова е листата на 16 можни цели при ракетен напад од страна на Пјонгјанг:
1. Американско тло – нуклеарен напад
2. Најголемите американски градови – нуклеарен напад
3. Менхетен – нуклеарен напад
4. Белата куќа – нуклеарен напад
5. Пентагон – нуклеарен напад
6. Американски бази во Пацификот – нуклеарен напад
7. Гуам, Хаваи – нуклеарен напад
8. Американски носачи на авиони во Пацификот – нуклеарен напад
9. Делови од јужнокорејското тло – нуклеарен напад
10. Американска воена база во Јужна Кореја – напад со непознато оружје
11. Јужнокорејски градови – напад со непознато оружје
12. Сеул – напад со непознато оружје
13. Владата и владини агенции во Јужна Кореја – напад со непознато оружје
14. Американската воена база во Јапонија – нуклеарен напад
15. Воените бази Јокосука, Мисава и Окинава во Јапонија – напад со непознато оружје
16. Копното на Јапонија (Токио, Осака, Јокохама, Нагаја, Кјото) – напад со непознато оружје
Покрај листата на загрозени територии, во извештајот се наведува дека Северна Кореја не поставила јасно разграничување во користењето на нуклеарно оружје кон воени и цивилни цели.