Избори 2016: Што си порачаа Груевски и Заев на првите митинзи?

Овие избори се референдум на кој гласачите треба да решат во каква Македонија сакаат да живеат, ова се клучните пораки од претседателот на ВМРО – ДПМНЕ од почетниот митинг во Охрид.

Од митингот во Прилеп, лидерот на СДСМ возврати дека приказните за федерализација се измислици бидејќи прашањето на јазиците е уставно регулирано. Со партиската програма Заев возврати на Груевски.

Исто како и во 2014 Груевски од гласачите побара да освои мнозинство во Собранието за да не биде уценуван

Заев пак кажа дека криминалната влада направила државен удат со масовното прислушување и навести дека има неоткриени тајни за Груевски.

Традиционално најголемо внимание на митингот на ВМРО – ДПМНЕ привлече говорот на Амди Бајрам.

Вечерва ВМРО – ДПМНЕ продолжува со митинзи низ Струга И ресен, додека СДСМ е со граѓаните на скопските општини Аеродром, Кисела Вода и Драчево./24Вести