Комичарката Џоселин Чиа ги затегна односите меѓу Сингапур и Малезија со шега за малезиските авиони кои имаат проблеми со летањето, пишува „Гардијан“.
Малезиската полиција најави дека ќе побара помош од Интерпол за пронаоѓање на комичарката по потекло од Сингапур, која живее во САД, која ја исмејувала нивната земја и се шегувала за исчезнатиот авион MH370 „Malaysia Airlines“, пишува британскиот весник.
„Џоселин Чиа е под истрага според законите на нашата земја кои се однесуваат на навредлив говор и навредлива или непристојна содржина на интернет“, објави малезиската државна новинска агенција Бернама.
Наведено е и дека малезиската полиција ќе побара помош од Интерпол за откривање на нејзиниот целосен идентитет и место на живеење.
Чиа, чија веб-страница вели дека по потекло е од Сингапур, предизвика контроверзии откако видеото на кое се шегува за ривалството меѓу Сингапур и Малезија стана вирално на интернет.
I don't know why Jocelyn Chia's direct hate speech is popular with American audiences
It sucks to joke on flight MH370
American values seem to be ingrained in her mind
So it doesn't matter, she would happy to see her citizenship was removed by Singapore. #JocelynChia #MH370 pic.twitter.com/2ttcyAMCgx
— Meoww^^ 🇲🇾 (@SarahSa245) June 8, 2023
За време на настап во њујоршки клуб, таа рече дека Малезија го „откачила“ Сингапур, мислејќи на отцепувањето на островската држава од Малезија во 1965 година, но исто така рече дека Сингапур ја има најдобрата „одмазда за распадот“ бидејќи станала „земја од прв свет“ додека Малезија е „сè уште земја во развој“.
Таа додаде дека Малезијците не доаѓаат со години бидејќи нивните „авиони не можат да летаат“.
Кога некои од публиката очигледно не се насмеаа, таа додаде: „Не е смешно тоа што ‘Малезија ерлајнс’ исчезнува, а? Некои шеги никогаш не наоѓаат погодно тло“.
American born actually. Would love to see the face of the interpol officer who received this request. pic.twitter.com/Mn3boAKp2x
— Jocelyn Chia (@JocelynChia) June 13, 2023
Летот 370 на „Малезија ерлајнс“, со 239 патници и членови на екипажот, кој полета од Куала Лумпур, исчезна од радарот на 8 март 2014 година и никогаш не беше пронајден.
Видеото на Џоселин Чиа предизвика реакции и во Сингапур и во Малезија.
Чиа изјави за Си-Ен-Ен дека нејзината шега се заснова на долгогодишното пријателско ривалство на Малезија со Сингапур и дека нејзиниот настап бил изведен „повеќе од 100 пати“ во текот на година и пол без никакви проблеми.
Таа исто така додаде дека поради скратувањето на видеото за социјалните мрежи, недостасува релевантен контекст, наведува „Гардијан“.