Претседателот на Фондацијата за отворено општество, Александар Сорос денеска изјави дека поранешниот американски претседател Доналд Трамп „веќе стана претседател на Светскиот економски форум во Давос“ (СЕФ) и оцени дека тоа е добро бидејќи, како што рече, мислењето кое преовладува во Давос никогаш не се остварува.
„Доналд Трамп е сопственик на Републиканската партија. Ние сме во она што сакам да го наречам циклус на Трамп, затоа што мислам дека дури и ако, и верувам, институциите издржат, „кога“ ќе ги загуби овие избори, тој исто така ќе биде републикански кандидат во 2028 година, и можеби дури и 2032 година“, рече Сорос за време на своето обраќање на панел дискусијата во СЕФ на тема претседателските избори во САД, пренесе Си-Ен-Ен.
Тој оцени дека Трамп нема „едноставно да се пензионира“.