92
Пејачот на бендот „Dead or Alive“ Пит Брнс почина во 57 година од животот од срцев удар, соопшти неговиот менаџер, пренесува Би-Би-Си.
Во соопштението на Твитер се наведува дека со голема тага ја објавуваат веста дека пејачот ненадејно починал. Брнс имаше голем хит во 1985 и 2006 година, кога и се појави во британскиот „Голем брат“ за славни личности.
Пит Брнс го основаше бендот „Dead or Alive“ во 1980 година, а една од нивните најпознати песни е „You Spin Me Round“, која ја одбележа музиката на 80-тите години од минатиот век.
Медиумите предходно го пренесоа неговото признание дека направил повеќе од 300 пластични операции, а многу од нив само за да ја поправи веќе направената штета на лицето. За себе еднаш рече: Јас сум Франенштајн.